Mai kuch kehna chahta hun,
Chunki zubaan nahi hai,
Koshish hi karte reh jata hun,
Lekin kuch bhi nahi keh pata hun……

Zindagi ki raahon me chal,
Mai thokaren kha,choor choor ho jata hun,
Fir bhi chalna chahta hun,
Kyonki mai chalte hi rehna chahta hun,

Iss jalti hui duniya me,
Mai raakh ban jhulass jata hun,
Fir bhi jalta jata hun,
Kyonki mai jalan mitana chahta hun,

Jeevan ki iss ladaayi me,
Mai kaie baar haar jata hun,
Haar ko bhi gale lagata hun,
Kyonki mai jeet ki maala chahta hun,

……..chunki zubaan nahi hai,
Mai kuch nahi keh pata hun,
Koshish karte jata hun,
Mai sab kuch hi likh jata hun,
Mai akhir kaar, jeet jata hun!!

(Copyright: Kanad Pankaj Jha)